Каця, я не ведаю, ці прачытаеш ты гэты ліст? Але пішу яго з надзеяй, што ўсе што робіцца на рахунак дабра і любові не бывае марным… Магчыма словы падтрымкі для тых, хто зараз за кратамі патрэбны не толькі ім але і нам, тым хто мае магчымасць перамяшчацца па свеце, сустракацца з тымі з кім ён хоча... рабіць і ажыццяўляць тое, што ён выбірае і лічыць важным...але пры гэтым адчуваць боль, а часам разгубленасць.

Мы ніколі не бачыліся з табой, але лес цудоўным чынам праз твае выпрабаванні пазнаеміў мяне з табой, тваей сям'ёю...Я лічу гэта адным з пазітыўных момантаў таго няпростага часу ў якім нам выпала жыць...Твае блізкія і родныя...Муж Ігар, дзядуля Сяргей, бабуля Ала Мікалаеўна - гэта светлыя, годныя людзі, знаёмства і размовы з якімі прыносяць радасць і ўзбагачаюць мяне...То бок я хачу сказаць пра тое, што вашы выпрабаванні не з'яўляюцца дарэмнымі...тыя хто зараз за кратамі аб'ядноўваюць і робяць мацнейшымі тых, хто знаходзіцца па другі бок турэмных сценаў.

Магчыма гэта слабая падтрымка для вас, хто церпіць цяжкасці зняволення...і вельмі хацелася б мне проста моцна і пяшчотна абняць асабіста ўсіх спелага веку і маладых людзей, якія адарваны ад звычайнага жыцця, знаходзіцца ў няволі...перадаць хоць кроплю цеплыні і спачування!

Мы спрабуем жартаваць пры абставінах, якія не спрыяюць гэтаму, усьміхацца калі не шмат нагод для гэтага...але гэта патрэбна, каб захаваць, быць можа, самае галоўнае - надзею! Бо без яе не магчыма быць...рухацца наперад, выхоўваць будучыя пакаленні!

Каця, галоўнае, што я хачу сказаць, не сумнявайся - усе што адбываецца мае сэнс...такім сумленным, годным людзям, як ты трэба чэрпаць сілы з усведамлення таго, што Бог з прыніжанымі, ганімымі, але не здрадзіўшымі сабе і людзям!

Да таго ж, не сумняваюся, што ўсе-усе дзеці на свеце, не сапсаваныя "дарослымі догмамі і прымушэннямі" хутчэй за ўсе на баку тых, каму патрэбна добрае слова падтрымкі і дабрыні...Таму ўяві сабе, калі ласка, што ўсе маленькія дзеці разам з Маляванычам пяшчотна і шчыра абдымаюць цябе сваімі адкрытымі сэрцайкамі і зычуць трымацца і знаходзіць хоць нейкія маленькія радасці насуперак жыццёвым абставінам! Няхай святло і дух надзеі заўсёды будзе з табой!!! 

‍